Serj Qnabriyə son təklif

30.04.2022 - 15:14

“Bavariya” hücumçusu Serj Qnabrini itirmək istəmir.

Apasport.az saytının məlumatına görə, bu üzdən Almaniya klubu 26 yaşlı oyunçusu ilə yeni müqavilə üçün danışıqları bərpa edib.

Bundesliqa çempionu Almaniya millisinin üzvünə illik 17-19 milyon avro maaşla yeni sözləşmə təklif edib. Bu, münhenlilərin oyunçuya son təklifidir. Qnabri müsbət cavab verməsə, o zaman “Bavariya” futbolçunu bir ildən sonra pulsuz itirməmək üçün bu yay satacaq.

Qeyd edək ki, “Bavariya” ilə anlaşması 2023-cü ilin yayına qədər olan Serj Qnabri “Real” və İngiltərə klublarının maraq dairəsindədir.