Emin Mahmudov “Neftçi”nin tarixinin rekordunu təkrarlayıb.

Apasport.az saytının məlumatına görə, 29 yaşlı yarımmüdafiəçi Bakı klubunun heyətində avrokuboklarda ən çox qol vuran futbolçu adına şərik çıxıb.

Emin buna Gürcüstanın paytaxt Tbilisidə yerli “Dinamo” ilə oyunda nail olub. Penaltidən vurduğu qolla komandasına 2:1 hesablı qələbə qazandıran kapitan “ağ-qaralar”ın heyətində 5-ci dəfə fərqlənib.

İndiyədək yalnız bir futbolçu “Neftçi”nin avrokubok matçlarında bu qədər qol vurub. Bu rekord syerra-leoneli Julius Vobaya məxsusdur. Mahmudov bu rekorda şərik çıxıb. Mütləq rekord üçün Eminə bir qol lazımdır.

Qeyd edək ki, Mahmudov Çempionlar Liqasında 1, Avropa Liqasında 4 qola imza atıb.

Vüqar Xeyrullayev

• Dadaşov oynamadı, komandası növbəti tura yüksəldi
• “Mançester Yunayted” yeni baş məşqçi ilə anlaşıb
• “Qızıl top”un sahibi: "Bir gün vətənə qayıdıb, orada yenidən oynaya biləcəm"
• Mario Balotelli İtaliya klubunda - Rəsmi
• Rodri Ronaldodan sonra ikinci oldu