Tellur Mütəllimov millinin toplanışından kənarlaşdırıldı

12.11.2021 - 23:02

Azərbaycan millisinin heyətində dəyişiklik edilib.

Apasport.az saytının məlumatına görə, dünya çempionatının seçmə mərhələsi çərçivəsində Bakı Olimpiya Stadionunda noyabrın 11-də keçirilmiş Azərbaycan - Lüksemburq oyununda qırmızı vərəqə ilə cəzalandırılan Tellur Mütəllimov milli komandanın düşərgəsindən kənarlaşdırılıb.

Yığmamız noyabrın 14-də Bakı Olimpiya Stadionunda Qətərlə beynəlxalq yoldaşlıq oyunu keçirəcək. Qarşılaşma saat 21:00-da başlayacaq.