Ulduz futbolçu klubundan ayrılacağını açıqladı

14.05.2022 - 10:34

“Monako”nun yarımmüdafiəçisi Sesk Fabreqas mövsümün sonunda komandadan ayrılacaq.

Apasport.az saytının məlumatına görə, bunu ulduz futbolçu özü açıqlayıb.

35 yaşlı orta sahə oyunçusu yayda başa çatacaq müqavilə müddətini yeniləməyəcəyini söyləyib: “Mənimlə “Monako” arasında hər şey bitdi. Müqaviləmin müddəti iyunda başa çatır və yeni çağırış axtarıram. Başqa yerdə yeni başlanğıca ehtiyacım var”.

Qeyd edək ki, 2019-cu ildən "Monako"da çıxış edən Sesk Fabreqas bu komandanın heyətində ümumilikdə 68 oyun keçirib, 4 qol, 9 məhsuldar ötürmə ilə yadda qalıb.