Ulduz futbolçu mövsümün ən yaxşısı seçildi

11.12.2021 - 10:22

“Atletiko Mineyro”nun hücumçusu Halk Braziliya çempionatında mövsümün ən yaxşı futbolçusu seçilib.

Apasport.az saytının məlumatına görə, ulduz futbolçu çempionatın bombardiri olduğu üçün bu ada layiq görülüb.

O, 35 matçda 19 qol vurub, 7 məhsuldar ötürmə verib. 35 yaşlı oyunçu eyni zamanda ən yaxşı hücumçu kimi mövsümün simvolik komandasına da düşüb. O, komandasının çempionluğunun memarı hesab edilir.

Qeyd edək ki, Halk bu ilin fevralından “Atletiko Mineyro”nun formasını geyinir.