Vüsal İsgəndərli 80 dəqiqə oynadı, komandası xal qazandı

14.12.2021 - 17:15

Azərbaycan millisinin futbolçusu Vüsal İsgəndərli Türkiyədə növbəti oyununu keçirib.

Apasport.az saytının məlumatına görə, yarımmüdafiəçinin komandası “Keçiörengücü” TFF I Liqasında XVII tur matçına çıxıb.

Ankara təmsilçisi Manisada eyniadlı komandanın qonağı olub. Qarşılaşmada iki qarşılıqlı qol vurulub. Əvvəlcə 57-ci dəqiqədə qonaqlar önə keçib, az sonra ev sahibləri status-kvonu bərpa edib. 1:1 hesabı ilə yekunlaşan qarşılaşmada İsgəndərli 80 dəqiqə meydanda olub.

Bu nəticədən sonra xallarının sayını 18-ə çatdıran “Keçiörengücü” turnir cədvəlinin 16-cı pilləsində qərarlaşır.