La Liqa təmsilçilərindən “Barselona”nın idman direktoru Deku komandanın baş məşqçisi Hans-Diter Fliklə müqavilə müddətinin uzadılması şərtlərini açıqlayıb.

Apasport.az xəbər verir ki, klub rəsmisinin sözlərinə görə, rəhbərlik almaniyalı mütəxəssisin işindən razıdır:

“Hər şey belə davam edərsə, müqavilə müddətinin uzadılması üzərində işə başlayacağıq”.

Flik 2024-cü il iyulun 1-dən “Barsa”nı çalışdırır. Onun La Liqa təmsilçisi ilə hazırkı müqaviləsi 2026-cı il iyunun 30-da başa çatacaq.

Qeyd edək ki, “Barselona” 23 turdan sonra İspaniya La Liqasının turnir cədvəlində 48 xalla üçüncü pillədə qərarlaşıb. 

• Türkiyə millisinin sabiq üzvü vəfat edib
• Ronaldo ötən il ən çox maaş alan idmançı olub
• "Qalatasaray" - "Fənərbaxça" matçını əcnəbi hakim idarə edəcək?
• "Seltik" azarkeşləri UEFA-dan qorxmur: Etirazlara davam
• Salah Premyer Liqa tarixinə düşdü