Jorjinyo "Arsenal"ı tərk edə bilər.

Apasport.az xəbər verir ki, o, "Barselona"nın maraq dairəsinə düşüb.

32 yaşlı yarımmüdafiəçinin "topçular"la müqaviləsi mövsümün sonunda başa çatır. Sözləşmənin uzadılması ilə bağlı danışıqlar hələ başlamayıb.

Futbolçunun keçidində kataloniyalıların idman direktoru Deko maraqlıdır. Maliyyə problemləri yaşayan klub Jorjinyonun azad agent olmasını gözləyir.

Qeyd edək ki, o, bu mövsüm Premyer Liqada 18 oyun keçirib və 1 məhsuldar ötürmə edib.