Səudiyyə Ərəbistanı təmsilçilərindən “Əl-Xulud” “Beşiktaş”dan icarəyə götürdüyü Cekson Mulekanı birdəfəlik transfer edib.

Apasport.az xəbər verir ki, bu barədə klubun mətbuat xidməti rəsmi açıqlama yayıb.

Tərəflər arasında əldə olunan razılaşmaya əsasən, “Əl-Xulud” 25 yaşlı konqolu hücumçunun transferi üçün “qara qartallar”a 1,5 milyon avro təzminat ödəyəcək.

Xatırladaq ki, “Beşiktaş” Mulekanı 2022-ci ildə Belçikanın “Standard Liege” klubundan 3,35 milyon avroya transfer etmişdi.

Qeyd edək ki, Cekson Muleka bu mövsüm “Əl-Xulud”un heyətində 30 rəsmi oyunda iştirak edib, 7 qol və 5 məhsuldar ötürmə ilə yadda qalıb.

• Mourinyo Çempionlar Liqasında tarixə düşdü
• Bruno Kerrikin taktikasını tənqid etdi, Karragerdən sərt cavab gəldi: “Biabırçılıqdır!”
• TFF Sergen Yalçının köməkçisinə veto qoydu – SƏBƏB
• Skaloni Argentina millisi ilə bağlı qərarını verdi – 2030-cu ilə qədər
• Batrakov İkardi və Jardelin rekordunu təkrarladı