“Çox yorğunam. Yarımfinala çıxdığımız üçün çox sevinirəm”.
Apasport.az saytının məlumatına görə, bunu “Qəbələ”nin futbolçusu İsnik Alimi Azərbaycan kubokunun 1/4 final mərhələsində “Sumqayıt”la keçirilən cavab oyunundan sonra “CBC Sport” kanalına açıqlamasında deyib.
1:1 hesabı ilə bitən görüşdə komandasının yeganə qoluna imza atan şimali makedoniyalı yarımmüdafiəçi yarımfinala adlamalarını dəyərləndirib: “Bu uğuru komanda şəklində gerçəkləşdirdik. O ki qaldı öz oyunuma, ötən matçda mərkəz müdafiəçisi mövqeyində oynadım. Ruan Renatonun yoxluğunda. Əsas mövqeyim orta sahədir. Bu gün öz mövqeyimdə çıxış etdim”.
Yarımmüdafiəçi yarımfinaldakı rəqibləri barədə də fikir bildirib: “Qarabağ” güclü rəqibdir. Onlara hörmətlə yanaşırıq. Öz oyunumuzu oynayacağıq. 90 dəqiqə vuruşacağıq”.
Oxşar xəbərlər
Ana səhifə
Bütün xəbərlər