2026-cı il dünya çempionatında A qrupunda ilk turun oyunlarından sonra turnir cədvəli formalaşıb.

Apasport.az xəbər verir ki, ilk matçların ardından Meksika və Cənubi Koreya hərəyə 3 xal toplayıb.

Top fərqinə görə Meksika qrupda ilk pillədə qərarlaşıb.

Hər iki komanda 2 qol vurub. Meksika qapısını toxunulmaz saxladığı üçün +2 top fərqi ilə zirvədə yer alıb.

Cənubi Koreya isə buraxdığı 1 qola görə +1 göstərici ilə ikinci pillədədir.

İlk turdan sonra Çexiya və Cənubi Afrika xalsız qalıb. Çexiya 1 vurub, 2 top buraxıb və 3-cü sıradadır.

Cənubi Afrika isə qolsuz məğlubiyyətlə sonuncu pillədə yer alıb.

Qeyd edək ki, A qrupunda növbəti turun oyunları iyunun 18-də keçiriləcək. Həmin gün Çexiya Cənubi Afrika ilə, Meksika isə Cənubi Koreya ilə üz-üzə gələcək.

• Suzuki uğrunda yarış: PSJ və "Yuventus"
• "Arsenal"dan Vinisiusa rekord təklif – Bütün imkanlar səfərbərdir
• "Türkiyənin ən böyük klubu bizik" – İlkay Gündoğandan iddialı açıqlamalar
• "Qalatasaray" Reyndersi izləyir – "Mançester Siti" bu halda buraxacaq
• Kastro "Roma"ya, Dovbik "Bolonya"ya: 35 milyonluq transfer