Daha bir futbolçu “Fənərbaxça”nı tərk etməyə hazırlaşır.

Apasport.az xəbər verir ki, Linkoln Enrike vətəninə geri dönə bilər.

Braziliyalı hücumameyilli yarımmüdafiəçi “Braqantino” klubuna gedir.

İddialara görə, 25 yaşlı futbolçu 4 aylıq icarə keçidinə razılaşıb. “Braqantino” mövsümün sonunda 6 milyon avro ödəyərək, orta xətt oyunçusunun hüquqlarını ala da bilər.

Oyunçunun yaxın günlərdə İstanbuldan ayrılması gözlənilir.

Qeyd edək ki, 2022-ci ilin iyulunda “Fənərbaxça”ya qatılan Linkoln bu mövsüm zədədən əziyyət çəkdiyi üçün cəmi bir matçda iştirak edib.