İngiltərə Premyer Liqasının ikinci turunda “Mançester Yunayted” səfərdə “Brayton”la qarşılaşıb.

Apasport.az xəbər verir  ki, "Mançester Yunayted" 90+5-ci dəqiqədə qol buraxaraq matçı xalsız tərk edib.

"Brayton" 32-ci dəqiqədə Denni Uelbekin vurduğu qolla 1:0 önə keçib və matçın ilk yarısı bu nəticə ilə yekunlaşıb.

"Mançester Yunayted" 60-cı dəqiqədə gənc cinah oyunçusu Amad Diallo ilə hesabı bərabərləşdirib. "Brayton" 90+5-ci dəqiqədə Joao Pedronun vurduğu qolla yenidən önə keçərək matçı 2:1 qazanıb.

Beləliklə, "Brayton" xallarını 6-ya yüksəldib, "Mançester Yunayted" isə 3 xalda qalıb.

“Mançester Yunayted” gələn həftə liqada əzəli rəqibi “Liverpul”u qəbul edəcək. “Brayton” isə səfərdə “Arsenal”la qarşılaşacaq.

Qeyd edək ki, Uelbek keçmiş komandası “Mançester Yunayted”ə qarşı keçirdiyi 10-cu matçda 5-ci qolunu vurub.

• Lidholmun ideal "11-liyi" - Barezi, Barezi, Barezi...
• "Real Madrid" Mastantuono ilə bağlı qərar verdi - Argentinalı göndəriləcək
• 64 komandalı dünya çempionatı: FİFA işlərə start verdi
• "Arsenal"dan 90 milyon avroluq transfer - "Nyukasl"ın ulduzu yoldadır
• İnfantinonun müşaviri istefa verdi - Dünya çempionatının satılmasına etiraz etdi