“Hapoel”in (Beer-Şeva) qapıçısı Ofir Marsiano UEFA Çempionlar Liqasının pley-off mərhələsində “Sabah”la keçiriləcək cavab oyunu barədə danışıb.

Apasport.az xəbər verir ki, 36 yaşlı israilli qolkiper Bakıdakı qarşılaşmaya tam hazır olduqlarını bildirib.

Marsiano komandasının öz gücünə inandığını vurğulayıb:

“Bizi vacib oyun gözləyir. Öz gücümüzə inanırıq və tamamilə bu qarşılaşmaya köklənmişik. Bilirik ki, çətin olacaq. Lakin çətinliklər bizi daha da gücləndirir. Komanda olaraq yaxşı nəticə üçün dua edirik. Oyunun bizim üçün müsbət sonluqla bitəcəyinə inanıram”.

Qeyd edək ki, “Sabah” – “Hapoel” matçı avqustun 25-də saat 20:45-də Tofiq Bəhramov adına Respublika stadionunda keçiriləcək. Tərəflər arasında ilk görüş İsrail təmsilçisinin 2:1 hesablı qələbəsi ilə yekunlaşıb.

• TFF-də kritik iclasın vaxtı bəlli oldu – Hacıosmanoğlu Berlin səfərindən qayıdır
• Ürəyindən əməliyyat olunmuşdu - Məşqlərə qayıtdı
• “Barselona” “Qalatasaray”la oyuna ehtiyat heyətlə çıxa bilər – SƏBƏB
• TFF Montella ilə yollarını ayırır – Təzminat ödənilməyəcək
• Entoni Teylor hakimləri tanımadığını etiraf etdi – MHK üzvlərindən kömək istədi