Yeni mövsüm üçün transfer çalışmalarını davam etdirən "Kəpəz" daha bir futbolçu ilə güclənib. 

Apasport.az xəbər verir ki, bu barədə klubun mətbuat xidməti məlumat yayıb. 

Gürcüstanlı Otar Aptsiauri Gəncə təmsilçisinin şərəfini qoruyacaq. 23 yaşlı oyunçu ilə bir illik müqavilə imzalanıb. 

Yarımmüdafiəçi mövqeyində çıxış edən futbolçu karyerasında ilk dəfə legioner həyatı yaşayır. Onun son klubu vətənində "Dinamo" Tbilisi olub.

Qeyd edək ki, "Kəpəz" daha öncə Adil Şükürov (baş məşqçi), Şakir Seyidov (son klubu "Sabah"), Pedro Qomes (son klubu "Boavişta", Portuqaliya), Adama Fofananı (son klubu “Adanaspor”, Türkiyə) transfer edib. 

• İngiltərənin üç klubu Arda ilə maraqlanır
• Domeniko Tedesko: "Mən heç vaxt bu vəziyyətə görə ağlamaram"
• Türkiyə - Rumıniya matçının keçiriləcəyi stadion müəyyənləşib
• "Real" – "Mançester Siti" qarşılaşması bu kanalda
• Pereyra Avropanın diqqət mərkəzində: “Fənərbaxça” və “Qalatasaray” da mübarizəyə qoşuldu