Türkiyə millisinin futbolçusu Kerem Aktürkoğlu DÇ-2026-nın qrup mərhələsində Avstraliya ilə oyundan sonra danışıb.

Apasport.az xəbər verir ki, yarımmüdafiəçi məğlubiyyətə baxmayaraq, qrupda şanslarının davam etdiyini bildirib.

Kerem komanda olaraq məsuliyyəti üzərlərinə götürdüklərini deyib:

“Bitən heç nə yoxdur. Hər şey bizim əlimizdədir. Keyfiyyətə sahibik. Səhv və günahkar axtarmağın mənası yoxdur. Biz bir komandayıq”.

O, azarkeşlərdən üzr istəyib:

“Xalqımızdan üzr istəyirik, amma bizdən inciməsinlər. Onları səhərin erkən saatlarında yuxudan oyadıb qələbə hədiyyə etmək istəyirdik, amma alınmadı. İnşallah, növbəti matçlarda bunun əvəzini çıxacağıq”.

Qeyd edək ki, Türkiyə millisi D qrupunda növbəti oyununu Paraqvaya qarşı keçirəcək. Qarşılaşma iyunun 20-də Bakı vaxtı ilə saat 04:00-da San-Fransisko stadionunda oynanılacaq. Türkiyə qrupdakı son matçında isə iyunun 26-da saat 06:00-da ABŞ-la üz-üzə gələcək. 

• 64 komandalı dünya çempionatı: FİFA işlərə start verdi
• "Arsenal"dan 90 milyon avroluq transfer - "Nyukasl"ın ulduzu yoldadır
• İnfantinonun müşaviri istefa verdi - Dünya çempionatının satılmasına etiraz etdi
• Premyer Liqaya hazırlaşırlar: "Hall Siti"dən 20 milyon avroluq transfer
• "Milan" əfsanəsini itirdi – Franko Barezi vəfat etdi