Türkiyə Futbol Federasiyasının (TFF) Peşəkar Futbol İntizam Şurası (PFDK) adı mərc oyunları ilə hallanan Türkiyə Super Liqa və Birinci Liqa oyunçuları ilə bağlı qərar verib.
Apasport.az xəbər verir ki, müxtəlif klublarda çıxış edən futbolçular cəzalandırılıb. Bu barədə TFF məlumat yayıb.
Məlumata görə, “Qalatasaray”lı Eren Elmalı 45 gün, Metehan Baltacı isə 9 ay müddətinə futboldan uzaqlaşdırılıb.
Eyni zamanda, Türkiyə Super Liqasında çıxış edən “Alanyaspor”un futbolçuları İzzet Çelik 3 ay, Enes Keskin 3 ay, Bedirhan Özyurt 3 ay, Yusuf Özdemir 9 ay, “Antalyaspor” futbolçusu Kerem Kayaarası 45 gün, “Rizespor”un futbolçuları Efe Doğan 45 gün, Furkan Orak 3 ay, “Eyüpspor” futbolçusu Mükremin Arda Türköz 45 gün, “Fatih Karagümrük”ün futbolçuları Furkan Bekleviç 45 gün, Kerem Yusuf Sirkeci 3 ay, “Gaziantep” FK-dan Muhammet Taha Güneş 45 gün, Nazım Sangare 45 gün, “Göztepe”dən İzzet Furkan Malak 45 gün, Uğur Kaan Yıldız 45 gün, “Kasımpaşa”dan Ege Albayrak 45 gün, Ali Emre Yanar 45 gün, “Kayserispor”dan Berkan Aslan 3 ay, Abdulsamet Burak 12 ay, “Konyaspor”dan Adil Demirbağ 45 gün, Alassane Ndao 12 ay, “Samsunspor”dan Celil Yüksel 45 gün, “Trabzonspor”un futbolçuları Salih Malkoçoğlu 45 gün və Boran Başkan 3 aylıq cəza alıblar.
Qeyd edək ki, TFF ümumilikdə 102 futbolçunun cəzalandırıldığını açıqlayıb.
Oxşar xəbərlər
Ana səhifə
Bütün xəbərlər