Səudiyyə Ərəbistanının “Əl-İttihad” klubunun prezidenti Ənmar Əl-Xayli “İnter Mayami”nin hücumçusu Lionel Messini nəyin bahasına olursa olsun transfer etməyə hazır olduğunu bildirib.

Apasport.az xarici KİV-ə istinadən xəbər verir ki, o, argentinalı ulduzun transferi barədə bunları söyləyib:

“Messi “Əl-İttihad”a keçməyə hazırdırsa, ona istədiyi məbləğdə pul qazana biləcəyi bir müqavilə təklif edəcəm. İstənilən müddətə – hətta ömürlük belə. Mənim üçün pulun əhəmiyyəti yoxdur, sadəcə tarixin ən böyük futbolçusu Messini transfer etmək istəyirəm”.

Argentinalı futbolçu payızda “İnter Mayami” ilə müqaviləsinin müddətini 2028-ci ilin sonuna qədər uzadıb.

Qeyd edək ki, Messi 2023-cü ilin yayından bəri “İnter Mayami”də oynayır.

• Fofana Türkiyəni seçdi: “Qalatasaray” transferdə israrlıdır
• Kanteden böyük jest: “Fənərbaxça” üçün maaşının azaldılmasına razılıq verib
• “Siti”nin futbolçusu “Barselona”nın radarında
• “Yunayted”in yeni baş məşqçisi bəlli olub
• Türkiyə Kuboku: “Qalatasaray”dan növbəti qələbə