Misli Premyer Liqasının XII çərçivəsində noyabrın 23-ü saat 17:30-da “Palms Sports Arena”da keçiriləcək “Neftçi” – “İmişli” matçının biletləri satışa çıxarılıb.

Apasport.az xəbər verir ki, qiyməti 3 (“Şərq 1”, “Şərq 2”, “Forza”, “Qərb 2” sektorları), 5 (“Cənub üst”, “Şimal 1”, “Şimal 2” sektoru), 7 (“Cənub alt” sektorları), 25 (“VIP Silver” sektoru) və 30 (“VIP Gold” sektoru) AZN təşkil edən biletləri “Neftçi”nin mobil tətbiqindən və https://bilet.neftchi.az saytından onlayn şəkildə əldə etmək olar.

Qeyd edək ki, bu biletlərlə Misli Premyer Liqasının XV çərçivəsində dekabr ayında  “Palms Sports Arena”da keçiriləcək “Neftçi” – “Sumqayıt” matçına da giriş etmək mümkün olacaq.

Yəni azarkeşlər bir bilet almaqla "Neftçi"nin bu il keçiriləcək son iki ev oyununu tribunadan izləyə biləcəklər.

Bu yalnız onlayn alınan biletlər üçün keçərlidir.

Stadionun kassasında isə “İmişli” ilə matç üçün biletlər oyun günü saat 11:00-dan etibarən satışda olacaq.

• Buaddi: “Mərakeşi seçdiyimə görə zərrə qədər peşman deyiləm”
• “Qalatasaray” fransalı futbolçu ilə razılaşdı - 27 milyon avroluq paket
• "Fənərbaxça" rəsmisi “Qalatasaray” nümayəndəsinin əlini sıxmadı - VİDEO
• "Arsenal"da yeni qapıçı - RƏSMİ
• "Turan Tovuz"dan ayrıldı, Rusiyaya qayıtdı - Samokun yeni klubu bəlli oldu