Doğma meydanda “Yanq Boyz”a (0:1) məğlub olduqdan sonra Çempionlar Liqasından kənarlaşdırılan “Qalatasaray”da problemlər hələ də davam edir.

Apasport.az xəbər verir ki, qitənin ən nüfuzlu turnirinin liqa mərhələsinə vəsiqə qazana bilməyən "sarı-qırmızılılar" həm maddi, həm də prestij baxımından zərbə alıb. 

Belə ki, İstanbul klubunda bonus böhranı yaşandığı ortaya çıxıb.

Yerli mətbuatın məlumatına görə, “Qalatasaray”ın futbolçuları hələ də çempionluq mükafatlarını ala bilməyiblər.

3 aydan sonra mükafatlarını ala bilməyən futbolçuların baş məşqçi Okan Burukla narahatlığını bölüşdüyü məlum olub.

Lakin baş məşqçinin müdaxiləsinə baxmayaraq, gərgin atmosferin dağılmadığı və futbolçuların vəziyyətdən son dərəcə narahat olduğu iddia edilib.

• Lidholmun ideal "11-liyi" - Barezi, Barezi, Barezi...
• "Real Madrid" Mastantuono ilə bağlı qərar verdi - Argentinalı göndəriləcək
• 64 komandalı dünya çempionatı: FİFA işlərə start verdi
• "Arsenal"dan 90 milyon avroluq transfer - "Nyukasl"ın ulduzu yoldadır
• İnfantinonun müşaviri istefa verdi - Dünya çempionatının satılmasına etiraz etdi