Ronaldonun komandası AFC Çempionlar Liqasından kənarda qaldı

12.03.2024 - 09:11

Kriştiano Ronaldonun çıxış etdiyi “Əl-Nasr” AFC Çempionlar Liqasının 1/4 finalında BƏƏ-nin “Əl-Ayn” klubunu qəbul edib.

Apasport.az xəbər verir ki, cavab qarşılaşmasının əsas vaxtı “Əl-Nəsr”in üstünlüyü (3:2) ilə bitdiyindən oyun əlavə vaxtda davam edib. 103-cü dəqiqədə BƏƏ təmsilçisi hesabı bərabərləşdirsə də, 118-ci dəqiqədə meydan sahibləri Kriştiano Ronaldonun penaltidən fərqlənməsi ilə ümumi hesabı bərabərləşdiriblər.

Penalti seriyasında isə qonaqlar qələbə qazanıblar – 3:1. “Əl-Nəsr”də yalnız Ronaldonun zərbəsi dəqiq olub.

Beləliklə, "Əl-Nəsr" AFC Çempionlar Liqası ilə vidalaşıb.