Serbiya Superliqasında çıxış edən “Radniçki” futbol klubunun baş məşqçisi Mladen Jijoviç oyun zamanı dünyasını dəyişib.

Apasport.az yerli KİV-ə istinadən xəbər verir ki, hadisə qarşılaşmanın 22-ci dəqiqəsində baş verib. Jijoviç qəfil olaraq skamyada huşunu itirib.

O, dərhal xəstəxanaya aparılıb, lakin həkimlərin səylərinə baxmayaraq, onun həyatını xilas etmək mümkün olmayıb.

Futbolçular məşqçinin ölüm xəbərini oyunun 41-ci dəqiqəsində birbaşa meydanda öyrəniblər. Bundan sonra görüş dayandırılıb, oyunçular isə ağlayaraq meydanda diz çöküblər.

Qeyd edək ki, 43 yaşlı Mladen Jijoviç “Radniçki”nin baş məşqçisi kimi cəmi üçüncü oyununa çıxmışdı.

• Entoni Teylor hakimləri tanımadığını etiraf etdi – MHK üzvlərindən kömək istədi
• “Messi ilə şəkil də çəkdirə bilmədik” – Benin millisindən narazılıq
• “Liverpul” və “Roma”nın sabiq futbolçusu karyerasını başa vurdu
• Kofane “Bayer”lə danışıqları dayandırdı
• “Real” Haaland transferində “Barselona”nı qabaqlayır