“Atletiko Madrid”in mərkəz yarımmüdafiəçisi Pablo Barrios karyerasını İngiltərə Premyer Liqasında davam etdirə bilər.

Apasport.az "Fichajes" nəşrinə istinadla xəbər verir ki, Londonun “Tottenhem” klubu 22 yaşlı futbolçunun transferi üçün Madrid təmsilçisinə 80 milyon avro məbləğində təklif göndərməyə hazırdır.

Pablo Barrios cari mövsümdə “Atletiko Madrid”in heyətində bütün turnirlər üzrə 22 oyunda meydana çıxıb, 1 qol vurub və 1 məhsuldar ötürmə edib. Gənc yarımmüdafiəçinin Madrid klubu ilə mövcud müqaviləsi 2030-cu ilə qədər qüvvədədir.

Qeyd edək ki, “Transfermarkt” portalı Pablo Barriosun bazar dəyərini 60 milyon avro olaraq qiymətləndirir.

• Paraqvayda tarixi qələbəyə xüsusi qərar - 30 iyun rəsmi tətil elan edildi
• Noyerdən vida - Almaniya millisində son matçına çıxdı
• Naqelsmann istefa barədə düşünmür - “Bir yerə qaçan deyiləm”
• Maurisio: “Meydanda ölməyə hazır idik” - Paraqvaylı futbolçudan açıqlama
• Orlando Hill şou göstərdi - Almaniya ilə oyunun ən yaxşısı seçildi