“Neftçi” heyətini yeni oyunçu ilə gücləndirib. Bu barədə apasport.az saytına klubun mətbuat xidmətinin rəhbəri Mehman Rəsulov açıqlama verib.

Klub rəsmisi bildirib ki, “ağ-qaralar” fransız hücumçu Huqo Barqası transfer edib.

Argentina vətəndaşlığı da daşıyan oyunçu ilə 1 illik müqavilə imzalanıb.

Karyerasına Argentinanın “Oll Boys” klubunda başlayan 30 yaşlı oyunçu 10 illik futbolçu həyatı boyunca 9 komandada forma geyinib.

Hollandiyada “Qraafşap”, İspaniyada “Ximnastik”də çıxış etmiş hücumçunun karyerasındakı ən uğurlu vaxtları Boliviyada “Bluminq”də keçib. O, bu komandanın heyətində 2012/13 mövsümündə 35 matçda 15, 2015/16 mövsümündə isə 28 oyunda 16 qol vurub.

Qeyd edək ki, Barqasın son komandası Boliviyanın “Bolivar” klubu olub. 

• Mourinyo Çempionlar Liqasında tarixə düşdü
• Bruno Kerrikin taktikasını tənqid etdi, Karragerdən sərt cavab gəldi: “Biabırçılıqdır!”
• TFF Sergen Yalçının köməkçisinə veto qoydu – SƏBƏB
• Skaloni Argentina millisi ilə bağlı qərarını verdi – 2030-cu ilə qədər
• Batrakov İkardi və Jardelin rekordunu təkrarladı