Qış fasiləsində hazırlıqlarını ölkə daxilində keçirəcək “Kəpəz”in yoxlama oyunlarındakı rəqibləri bəlli olub. Apasport.az saytının məlumatına görə, Gəncə təmsilçisi Bakıdakı hazırlıq çərçivəsində 4 sınaq matçına çıxacaq.
Bu qarşılaşmalar iki gün ərzində baş tutacaq. “Sarı-göylər” yanvarın 17-də saat 11:00-da I divizion təmsilçisi MOİK, 15:00-da Premyer Liqanın autsayderi AZAL-la görüşəcək. Şahin Diniyevin yetirmələri iki gündən sonra daha iki görüşdə qüvvəsini sınayacaq. Saat 11:00-da “Qaradağ Lökbatan”ı sınağa çəkəcək gəncəlilər 15:00-da “Zirə” ilə oynayacaq.
Sonuncu matç rəqibin meydançasında keçiriləcəksə, digər bütün oyunlar “Dalğa Arena”da baş tutacaq.
Qeyd edək ki, gəncəlilər eyni gündə keçirəcəyi matçlara iki fərqli heyətlə çıxacaq.
Oxşar xəbərlər
Ana səhifə
Bütün xəbərlər