“Mançeter Yunayted”in oyunçusu Xuan Mata “Liverpul”la ev oyununda 3:0 hesabı ilə məğlubiyyətə görə azarkeşlərdən üzr istəyib. Apasport.az saytının məlumatına görə, futbolçu fanatların hansı hisslər keçirdiyini başa düşdüyünü vurğulayıb.

Mata tribunaların dəstəyini təsvir etməyə söz tapmadığını bildirib: “Belə oyunlarda azarkeşlərə layiq olduqlarını verə bilmədiyim məni dəli edir. Amma çovğun keçəcək, yenə günəş görünəcək. Mən buna şübhə etmirəm. Heç kim asan olduğunu demirdi. Futbolda çətin məqamlar yaşadığın anlar da olur. Belə anlarda qürur və professionallığı sona qədər nümayiş etdirmək lazımdır”.