Avropa Liqasının III təsnifat mərhələsinin ilk oyunları çərçivəsində keçirilən “Panatinaikos” - “Qəbələ” matçının statistik göstəriciləri açıqlanıb. Apasport.az saytının məlumatına görə, UEFA Afinadakı görüşdə kimin fərqli komponentlərdə üstün olduğunu müəyyənləşdirib.

Səfərdə 0:1 hesablı məğlubiyyətə razılaşan “qırmızı-qaralar” bütün göstəricilərdə rəqibindən geri qalıb.

Meydan sahibləri qapı istiqamətində daha çox – 20 zərbə endirib. “Panatinaikos”un 20 zərbəsindən 7-i çərçivəyə düşüb. Daha 7 zərbə qapıdan aralı gedibsə, 6 epizodda müdafiəçilərimiz topun qarşısında sipər olublar.

“Qəbələ” ofsayd sayından rəqibini qabaqlasa da, kornerlərdə uduzub.

Roman Qriqorçukun yetirmələri daha çox qayda pozuntusuna yol verib və yeganə sarı vərəqəni passivlərinə yazdırıblar.

• TFF Montella ilə yollarını ayırır – Təzminat ödənilməyəcək
• Entoni Teylor hakimləri tanımadığını etiraf etdi – MHK üzvlərindən kömək istədi
• “Messi ilə şəkil də çəkdirə bilmədik” – Benin millisindən narazılıq
• “Liverpul” və “Roma”nın sabiq futbolçusu karyerasını başa vurdu
• Kofane “Bayer”lə danışıqları dayandırdı