Azərbaycan millisi FİFA reytinqinin 22 illik tarixi ərzində 3 ən böyük enişindən biri ilə üzləşib. Apasport.az saytının məlumatına görə, bu gün açıqlanan siyahıda 112-ci pillədən 134-cü yerə yuvarlanan yığmamız yalnız bir dəfə daha acınacaqlı durumla üzləşib.
Bu da 2014-cü ilin oktyabrında qeydə alınıb. Berti Foqtsun istefası ilə nəticələnən uğursuz seçmə oyunlarından sonra komandamız 31 pillə geriləmişdi. Həmin antirekord 95-ci yerdən 126-cıya enməklə rəsmiləşmişdi.
Millimizin tarixində indiki kimi 22 pilləlik daha bir eniş də var. Bu da 2014-cü ilin payızına təsadüf edib. Həmin vaxt komandamız 73-cü yerdən 95-ciyə yuvarlanıb.
İki aya 53 addım geriləyən komandamız 2 il öncəki payızdakı uğursuzluğu yaşayıb.
134-cü yer yığmamızın 40 ən zəif nəticəsindən biridi. Sonuncu dəfə 2015-ci ilin martında belə aşağı mövqeyə düşən komandamız həmin vaxt 139-cu idi.
Oxşar xəbərlər
Ana səhifə
Bütün xəbərlər