Azərbaycan kubokunda finalçılar müəyyənləşib. Apasport.az saytının məlumatına görə, həlledici görüşdə “Qarabağ”la “Qəbələ” üz-üzə gələcək.
Artıq final oyununun keçiriləcəyi məkan da bəllidir. Əvvəldən gözlənildiyi kimi kubokun qalibi Naxçıvanda bəlli olacaq.
Bu, paytaxtdan kənarda keçiriləcək 4-cü finaldır.
Belə ki, final matçının ölkənin bir nömrəli idman qurğusu olan Tofiq Bəhramov adına Respublika stadionunda keçirilməsi ənənəsi 1992-ci ildə qoyulub. Təkcə tutumuna görə deyil, həm də tarixinə görə indi də həlledici matç üçün ən ideal variant sayılan arena 23 finaldan 18-nə ev sahibliyi edib.
Budəfəki finala qədər 3 dəfə paytaxtdan kənarda keçirilən görüş Sumqayıt (2 dəfə) və Qəbələdə (1 dəfə) baş tutub. Bakıda isə “Şəfa” (indiki “İnter Arena”) və “Dalğa Arena” finala məkan olub.
Oxşar xəbərlər
Ana səhifə
Bütün xəbərlər