Avropa Liqasının III təsnifat mərhələsinin ilk oyununda Fransada “Lill”ə 1:1 hesablı heç-heçə edən “Qəbələ” ikinci dəfə bu duruma düşüb. Apasport.az saytının məlumatına görə, 1 il öncə də bu vəziyyətlə üzləşən “qırmızı-qaralar” eyni turnirin, eyni mərhələsini adlamağı bacarmışdı.

Həmin vaxt təmsilçimiz Kiprdə 1:1 etdiyi “Apollon”u Bakıda 1:0 hesabı ilə yenmişdi. Ümumilikdə isə Azərbaycan klubları 6 dəfə səfərdə keçirdiyi ilk matçda 1 qollu bərabərliklə kifayətlənib.

Bunlardan yalnız birində təmsilçimiz mərhələ keçə bilməyib. Həmin uğursuzluq 10 il əvvəl əlavə vaxtda uduzan “Qarabağ”ın hesabındadı. Ağdamlılar 5 il sonra bunun əvəzini çıxa biliblər. Onlar kimi “İnter” də səfər qolu ilə mərhələ keçib. “Neftçi” və “Xəzər Lənkəran” isə evdə qalib gəlib.

• “Samsunspor” baş məşqçisi ilə yollarını ayırdı – RƏSMİ
• “Arsenal” üç futbolçusu ilə müqaviləni yeniləyəcək
• Zirkzee “Mançester Yunayted”dən ayrılır
• “Fənərbaxça” – “Aston Villa” matçının hakimi müəyyənləşdi
• “Barselona”da “Qalatasaray”la oyun öncəsi ciddi itkilər – 4 futbolçu heyətdən kənarda