Mövsümün ikinci yarısının hazırlığı məqsədilə Türkiyənin Antalya şəhərinə yollanan Topaz Premyer Liqasının klubları qonşu ölkədə 22 yoxlama oyunu keçirib. Apasport.az saytının məlumatına görə, qış fasiləsində Azərbaycandan kənara çıxmayan AZAL-la “Kəpəz”dən başqa bütün komandalar beynəlxalq matçlarda qüvvəsini sınayıb.

Səfərə yollanan 6 komanda arasında Premyer Liqada ən aşağı pillədə qərarlaşan “Neftçi” hamıdan çox – 5 oyuna çıxıb. Lakin “ağ-qaralar” əcnəbilərlə də nə qədər zəif olduqlarını göstəriblər. Bakılılar bu il hələ də qalib gəlməyiblər.

Çempionatın liderləri “Qarabağ”, “Qəbələ” və “İnter” hərəsi 4 matçda qüvvəsini sınayıb. Türkiyədə ən yaxşı nəticələr də məhz Premyer Liqanın liderlərinin hesabındadı.

“Bankirlər” vətənə məğlubiyyətsiz dönməyi bacaran yeganə komandamız olub. İlk “dördlük”də qərarlaşan digər komanda “Sumqayıt” 3 matça çıxıb. Onlar hər üç oyunda uduzub.

“Zirə” isə Türkiyəyə cəmi iki oyun üçün yollanıb.  

Ümumilikdə isə komandalarımız 22 matçda 7 qələbə qazanıb, 7 heç-heçə edib və 8 dəfə uduzub. 23 qol vuran komandalarımız 25 top buraxıb.

Qeyd edək ki, Premyer Liqa klubları ilə yanaşı, aşağı dəstə təmsilçiləri “Şəmkir”lə “Səbail”, həmçinin “Qəbələ”nin U-19 və əvəzedici komandaları da Antalyada yoxlama matçları keçirib.

“Neftçi” – 5 oyun

“Sivasspor” (Türkiyə) - 0:0, “Nasaf” (Özbəkistan) - 0:1, “Kukesi” (Albaniya) - 2:4, “Tosno” (Rusiya) - 2:2, “Konkordiya” (Rumıniya) - 1:1

“Qəbələ” – 4 oyun

“Partizani” (Albaniya) - 1:2, “Qaz Metan” (Rumıniya) - 1:0, “Ordabası” (Qazaxıstan) - 0:0, “Şkendiya” (Makedoniya) - 2:1

“Qarabağ” – 4 oyun

“Skenderbeu” (Albaniya) - 1:0, “Styaua” (Rumıniya) 2:0, “Atırau” (Qazaxıstan) - 0:1, “Termalika” (Polşa) - 3:2

“İnter” – 4 oyun

“Ordabası” (Qazaxıstan) - 0:0, “Botoşani” (Rumıniya) - 1:1, “İstiqlol” (Tacikistan) – 2:1, “Orenburq” (Rusiya) - 1:1

“Sumqayıt” – 3 oyun

“Skenderbeu” (Albaniya) - 1:3, “Nasaf” (Özbəskitan) - 0:1, “Atırau” (Qazaxıstan) -1:2

 “Zirə” – 2 oyun

“Dordoy” (Qıeğızıstan) - 2:1, “Lokomotiv” (Qorna, Bolqarıstan) - 0:1

• Mourinyo Çempionlar Liqasında tarixə düşdü
• Bruno Kerrikin taktikasını tənqid etdi, Karragerdən sərt cavab gəldi: “Biabırçılıqdır!”
• TFF Sergen Yalçının köməkçisinə veto qoydu – SƏBƏB
• Skaloni Argentina millisi ilə bağlı qərarını verdi – 2030-cu ilə qədər
• Batrakov İkardi və Jardelin rekordunu təkrarladı