Azərbaycan millisinin “Trabzonspor”a lazım olmayan futbolçusu Ramil Şeydayevin Superliqa təmsilçisindəki karyerası 88 dəqiqədən ibarət olub. Apasport.az saytının məlumatına görə, yayda bu kluba keçən milliləşən rusiyalı transferi müddətində 6 ayda 3 matçda iştirak edib.
Türkiyə çempionatının yalnız 1 matçında xidmətinə ehtiyac duyulan hücumçu “Kayserispor”la səfər matçında (1:0) 11 dəqiqə meydanda olub. Ramil bu qısa müddətdə sarı vərəqə ilə də cəzalanıb.
Ölkə kubokunun 2 görüşündə üst-üstə 77 dəqiqə lazım olan Şeydayev “Serhat Ardahan”a (6:0) qarşı 32, “Çorum Bələdiyyəspor”a (2:1) qarşı 45 dəqiqə forma geyinib. Sonuncularla duel onun start heyətində yeganə matçı olub.
Qeyd edək ki, “Trabzonspor” Ramili icarəyə göndərməyə qərar verib. Onun ən real müştərisi isə “Samsunspor”du.
Oxşar xəbərlər
Ana səhifə
Bütün xəbərlər