Azərbaycan çempionu “Qarabağ” Avropa Liqasının qrup mərhələsi çərçivəsində bu gün “Anderlext”in qonağı olacaq. Apasport.az saytı xəbər verir ki, Belçika mətbuatı komandaların ehtimal “11-lik”lərini yazıb.
Həmkarlarımızın iddiasına görə, “Anderlext” meydana bu heyətlə çıxacaq: Silvio Proto, Endi Naxar, Kara Mbodj, Olivye Deşaxt, Fabrise N`Sakala, Leander Dendonker, Yuri Tilemans, Dennis Prat, Qiyom Jille, Stefano Okaka, Matias Suares.
“11-lik”də yalnız Dendonkerin iştirakı sual altındadı. Məsələ burasındadı ki, o, zədədən əziyyət çəkir. Bu mənada, onun meydana çıxıb-çıxmayacağına tam aydınlıq gəlməyib. Dendonker “Qarabağ”a qarşı oynaya bilməsə, onun mövqeyində Bram Nyoytink çıxış edəcək.
Belçikalılar “Qarabağ”ın da ehtimal heyətini yazıblar: İbrahim Şehiç, Maksim Medvedev, Bədavi Hüseynov, Rəşad Sadıqov, Ansi Aqolli, Qara Qarayev, Riçard Almeyda, Dani Kintana, Əfran İsmayılov, Cavid Tağıyev, Samuel Armenteros
Qeyd edək ki, “Anderlext” – “Qarabağ” matçı Bakı vaxtı ilə 00:05-də başlayacaq.
Oxşar xəbərlər
Ana səhifə
Bütün xəbərlər