“Polşa klubları avrokuboklarda Qazaxıstan təmsilçisi ilə qarşılaşanda bəziləri elə bilir ki, komandamız rəqibini yıxıb-sürüyəcək. Amma bunu düşünəndə çox yanılırıq”. Apasport.az saytının məlumatına görə, bu sözləri Qazaxıstanın “Atırau” klubunun futbolçusu Prjemislav Ttitko deyib.

Polşa yığmasının sabiq hücumçusu vətənində verdiyi müsahibədə legioner həyatı yaşadığı Qazaxıstan, həmçinin Azərbaycan və Gürcüstanın klublarının səviyyəsindən danışıb. O bildirib ki, Polşa klubları heç də adıçəkilən ölkələrdəkindən güclü deyil: “Çünki rəqib də Polşa klubuna düşməsinə sevinir ki, mərhələ adlaya bilər. Azərbaycan və Gürcüstan klublarına qalib gələcəyimiz haqda iddia yalnız bizim fikrimiz, bir sözlə cəfəngiyatdı. Bu komandalardan heç biri öncədən qarşımızda yıxılmayacaq. Polşa klublarının nəticələrinə baxın. Bizim digərlərindən üstün olduğumuz görünmür”.

Qeyd edək ki, Trıtko Almaniyada “Enerji” və “Karl Seys”, Polşada “Korona”, “Arka”, “Yagelloniya”, “Poloniya”da çıxış edib.

• Mourinyo "El-Klasiko" haqda: "Problem deyil, öhdəsindən gələcəyik”
• Mourinyo Çempionlar Liqasında tarixə düşdü
• Bruno Kerrikin taktikasını tənqid etdi, Karragerdən sərt cavab gəldi: “Biabırçılıqdır!”
• TFF Sergen Yalçının köməkçisinə veto qoydu – SƏBƏB
• Skaloni Argentina millisi ilə bağlı qərarını verdi – 2030-cu ilə qədər