“Barselona” rəhbərliyi komandanın baş məşqçisi Luis Enrikenin sözləşməsinin müddətini uzadacaq. Apasport.az saytı “El Mundo Deportivo”ya istinadən xəbər verir ki, təcrübəli çalışdırıcının yeni sözləşməsi 2 illik olacaq.

Enrikenin “Barsa” ilə 2017-ci ilə qədər anlaşması olsa da, bu, klub rəhbərliyini razı salmır. Kataloniyalılar sabiq yarımmüdafiəçinin müqaviləsinin müddətini uzatmaqla, onun hazırkı komandasında uzun müddət qalmasını təmin etmək istəyirlər.

Enrike ilə ən geci qışa qədər yeni sözləşmə imzalanacaq.

Qeyd edək ki, məşqçilik karyerası ərzində “Barselona”nın B komandasını, həmçinin “Roma” və “Selta” klublarını çalışdıran Enrike 2014-cü ildən “Barsa”nın əsas komandasına rəhbərlik edir.

• Sabiq "Neftçi"linin yeni ünvanı bəlli olub
• "Mançester Siti"nin keçmiş kapitanı və baş məşqçisi vəfat edib
• Mərc qalmaqalı üzə çıxıb: İspaniyalı futbolçu saxlanılıb
• Fatih Terimin komandasında ayrılıq
• Malen "Aston Villa"da