“Barselona”nın prezidenti Jozep Bartomeu baş məşqçi Luis Enrikenin mövsümün sonunda postundan ayrılacağını təsdiqləyib. Apasport.az saytının xarici mətbuata istinadən məlumatına görə, klub rəhbəri bunun baş məşqçinin qərarı olduğunu söyləyib.
Bartomeu çalışdırıcının titulla ayrılacağına ümid etdiyini vurğulayıb: “Luis Enrike klubumuza böyük müvəffəqiyyət qazandırıb. Onun bu mövsüm də uğur əldə etmək şansı var. Oyunçularda bunu sübut etmək üçün yüksək motivasiya var. Biz baş məşqçinin işindən məmnunuq. O, komanda üçün böyük işlər görüb. İnanıram ki, Enrike “Barselona” karyerasını kubokla başa vuracaq”.
Qeyd edək ki, 2014-cü ildən “Barselona”nı çalışdıran Luis Enrikenin rəhbərliyi altında kataloniyalılar 2 dəfə La Liqanın, 2 dəfə İspaniya Kral Kubokunun, həmçinin İspaniya Superkubokunun, Çempionlar Liqasının, UEFA Superkubokunun və Klublararası Dünya Çempionatının qalibi olublar.
Oxşar xəbərlər
Ana səhifə
Bütün xəbərlər