İspaniyanın III liqa təmsilçisi “Eldense” klubu fəaliyyətini dayandırıb. Apasport.az saytının xarici mətbuata istinadən məlumatına görə, buna səbəb komandanın “Barselona”ya məğlub olmasıdı.
Belə ki, Sequnda liqasının C qrupunda iştirak edən “Eldense” XXXII turda “Barselona B”yə 0:12 hesabı ilə məğlub olub. Qarşılaşmadan sonra bəzi futbolçuların ağlaması diqqətdən yayınmayıb.
1992-ci ildən bəri liqanın ən böyükhesablı yenilgisi ilə üzləşən Valensiya şəhərinin təmsilçisi italiyalı sponsorlarla əlaqələrinin kəsildiyini bəyan edib. Bununla da 1921-ci ildə yaradılan klub fəaliyyətini dayandırıb. Mövsümün son 6 turunda “Eldense” meydana çıxmayacaq və komandaya texniki məğlubiyyət veriləcək.
Qeyd edək ki, 32 turdan sonra “Barselona B” turnir cədvəlinə başçılıq edirsə, “Eldense” son sırada qərarlaşıb.
Oxşar xəbərlər
Ana səhifə
Bütün xəbərlər