Qadın voleybolçular arasında Çempionlar Liqasının pley-off mərhələsinin cavab oyunları keçirilib. Apasport.az saytının məlumatına görə, baş tutan matçlardan sonra “Dördlər finalı”nın iştirakçıları bəlli olub.

Belə ki, ilk matçda 3:1 hesabı ilə qələbə qazanan “Vakıfbank” (Türkiyə) “Volero”nu (İsveçrə) yenə eynihesabla məğlub edib – 3:1 (22:25, 25:21, 25:16, 25:22).

Moskva “Dinamo”su da birinci görüşdəki uğurunu təkrarlayıb. Rusiya təmsilçisi İtaliya “Modena”sına set vermədən qalib gəlib – 3:0 (25:20, 25:19, 25:21).

Beləliklə, “Dördlər finalı”nın bütün iştirakçılarının adına aydınlıq gəlib. Aprelin 22-23-də Terevizoda baş tutacaq həlledici mərhələdə “Dinamo” “Gonegliano” (İtaliya) ilə, “Vakıfbank” “Əczaçıbaşı” (Türkiyə) ilə üz-üzə gələcək.

Qeyd edək ki, Çempionlar Liqasının qrupunda Azərbaycanı “Azərreyl”lə “Telekom” təmsil etsə də, onlar yarışla vaxtından əvvəl vidalaşıblar. 

• Yusuf Yazıcı üçün 4 namizəd
• Flik: “Barselona” Çempionlar Liqasını qazana bilər”
• "Milan"da ciddi narazılıq: Baş məşqçi ilə yollar ayrılır
• "Dinamo"da 9 qolun cəzası baş məşqçiyə kəsildi
• "Bavariya" "Bayer"in əsas müdafiəçisi ilə anlaşıb