Türkiyə kubokunda qrup mərhələsinin ilk turunun oyunları davam edir. Apasport.az saytının məlumatına görə,  A, C, E və G qruplarında mübarizəyə start verilib.

A qrupunda “Şanlıurfaspor” “Kırklarelispor”u 4:1 hesabıyla məğlub edib.

C qrupunda “Mənəmən Bələdiyyəspor” “Amedspor”u 2:1 hesabıyla üstələyib. Bu qrupdakı digər oyunda “Fənərbaxça” “Gəncləbirliyi”ni qəbul edib. “Sarı-bülbüllər” kubokun qrup mərhələsinə uğursuz start verib.

Qarşılaşmanın 10-cu dəqiqəsində İsmayıl Köybaşının qırmızı vərəqə almasıyla meydanda azlıqda qalan İstanbul təmsilçisi matçın 24-cü dəqiqəsində Yiğithan Güvelinin qoluyla oyunda önə keçib. Ancaq “Fənər” bu üstünlüyünü sonadək qoruyub saxlaya bilməyib. Ankara təmsilçisi Tokelo Ranti və İrfan Can Kahvecinin qollarıyla oyundan 2:1 hesablı qələbəylə ayrılıb.

E qrupunda “Tuzlaspor” “Ərzincan Refahiyespor”u 4:0 hesabıyla üstələyib. Qrupun digər oyununda “Qalatasaray” “Elazığspor”la qarşılaşıb. “Cim-bom” oyunun 41-ci dəqiqəsində Lionel Karolenin qoluyla oyunda hesabı açıb. “Aslanlar” qələbəni yalnız oyuna əlavə olunmuş 3-cü dəqiqə dəqiqədə əldən verib. Murat Kayalı penalti zərbəsi ilə “Elazığspor”u məğlubiyyətdən xilas edən qola imza atıb.

G qrupunda “Busaspor” “Akhisar”la qarşılaşıb. Bursa təmsilçisinin şərəfini qoruyan millimizin üzvü Dəniz Yılmaz bu oyunun iştirak ərizəsinə salınmayıb. Qarşılaşma 3:3 hesablı bərabərliklə nəticələnib.

• Mourinyo Çempionlar Liqasında tarixə düşdü
• Bruno Kerrikin taktikasını tənqid etdi, Karragerdən sərt cavab gəldi: “Biabırçılıqdır!”
• TFF Sergen Yalçının köməkçisinə veto qoydu – SƏBƏB
• Skaloni Argentina millisi ilə bağlı qərarını verdi – 2030-cu ilə qədər
• Batrakov İkardi və Jardelin rekordunu təkrarladı