“Kəpəz”in uğursuz oyunlar seriyası başa çatıb. Apasport.az saytının məlumatına görə, Şahin Diniyevin yetirmələri 8 oyunluq qələbə həsrətinə son qoyub.

Premyer Liqanın XXII turunun “Zirə” ilə ev oyununda 1:0 hesablı qələbə qazanan Gəncə təmsilçisi 2017-ci ildə ilk dəfə 3 xal əldə edib. Belə ki, “Kəpəz” ötən ilin son qarşılaşması və bu il baş tutan III dövrənin 7 görüşündə qalib gələ bilməmişdi.

Əvvəl 5 məğlubiyyəti sıralayan, ardınca isə 3 heç-heçə edən qərblilər 107 günlük həsrətə son qoya bilib. Gəncəlilər 2016-cı il noyabrın 27-də “Neftçi”ni 2:0 hesabı ilə yenəndən sonra qələbə nə olduğunu unutmuşdu.

• “Qalatasaray”da ayrılıq siqnalı – Yeni transfer getmək istəyir
• “Beşiktaş”a Orkun Kökçüdən şad xəbər
• Salah Avropa futbolunda tarix yazdı
• İbrahimoviç “Milan”dakı vəzifəsindən ayrıldı
• Salahdan unikal nailiyyət - ÜÇÜNCÜ FUTBOLÇU OLDU