“Kəpəz”in Avropa Liqasında mərhələ adlamaq şansı təxminən 45 faizə bərabərdi. Apasport.az saytının məlumatına görə, indiyədək avrokubokların ilk matçında evdə 0:0 hesablı heç-heçə edən Azərbaycan klubları 11 cəhddən 5-də səfərdən sevinclə dönüb.
İlk dəfə bu duruma “Neftçi” düşüb. 15 il əvvəl bakılılar Sloveniyaya ümidlə yollansa da, “HİT Qoritsa”nın 1 qolu həlledici olub. Ümumiyyətlə, ilk cəhddə evdə qolsuzluqla kifayətlənən təmsilçilərimiz səfərdən məğlub qayıdıb.
Bu uğursuz tendensiyanı 2008-ci ildə “İnter” qırıb. Makedoniyadakı qollu heç-heçə “Rabotniçki” səddini aşmaq üçün kifayət edib.
Sonradan daha iki komandamız səfər qolu sayəsində sevinib. Həm “Qarabağ”, həm “Qəbələ” pley-offun səfərdəki cavab oyununda bunu gerçəkləşdirməklə qrupa düşüb.
Qolsuzluqdan sonra rəqib meydanında ilk qələbə “Neftçi”nin hesabındadı. Bakılılar 2014-cü ildə Gürcüstanın “Çixura” klubunu səfərdə yenib. Ötən il bu uğuru təkrarlayan “Qarabağ” Bakıda uda bilmədiyi “Rudar”ı rəqib meydanında keçib.
“Neftçi” 4 dəfə üzləşdiyi vəziyyətin 1-də, “Qarabağ” hər iki cəhdində 0:0-la başlayan mərhələni adlayıbsa, “Bakı” 2 dəfə uğursuzluğa düçar olub. Hərəyə 1 dəfə bu duruma düşənlərdən “İnter”lə “Qəbələ” sevinən, “MKT-Araz” üzülən tərəf olub.
Azərbaycan klublarının ilk oyunu evdə qolsuz bitən avrokubok duelləri
2001/02, UEFA kuboku
“Neftçi” – “HİT Qoritsa” (Sloveniya) – 0:0, 0:1
2004/05, Çempionlar Liqası
“Neftçi” – MOİK (Rusiya) – 0:0, 0:2
2007/08, UEFA kuboku
“MKT Araz” – “Qrotslin” (Polşa) – 0:0, 0:1
2008/09, Çempionlar Liqası
“İnter” – “Rabotniçki” (Makedoniya) – 0:0, 1:1
2009/10, Çempionlar Liqası
“Bakı” – “Levski” (Bolqarıstan) – 0:0, 0:2
2012/13, Avropa Liqası
“Bakı” – “Mura” (Sloveniya) – 0:0, 0:2
2013/14, Çempionlar Liqası
“Neftçi” – “Skenderbeu” (Albaniya) – 0:0, 0:1
2014/15, Avropa Liqası
“Neftçi” – “Çixura” (Gürcüstan) – 0:0, 3:2
“Qarabağ” – “Tvente” (Hollandiya) – 0:0, 1:1
2015/16, Avropa Liqası
“Qarabağ” – “Rudar” (Monteneqro) – 0:0, 1:0
“Qəbələ” – “Panatinaikos” (Yunanıstan) – 0:0, 2:2
Oxşar xəbərlər
Ana səhifə
Bütün xəbərlər