Azərbaycan Premyer Liqasının XV turu çərçivəsində baş tutan “Qarabağ” - “Neftçi” matçı 1:1 hesablı bərabərliklə başa çatıb. Apasport.az saytının məlumatına görə, bu, “ağ-qaralar”ın mövsümdəki ilk heç-heçəsidir.

Bundan əvvəlki 14 oyunun 3-də qələbə qazanan Elxan Abdullayevin yetirmələri, digər 11 oyunda isə meydanı xalsız tərk etmişdi.

İlk turda AZAL-ı 2:0 hesabı ilə yenən paytaxt klubu, sonrakı turlarda “Zirə”yə (0:1), “Qarabağ”a (0:3), “Qəbələ”yə (0:8), “İnter”ə (2:1), “Sumqayıt”a (1:2) məğlub olmuş, VII həftədə isə “Kəpəz”lə oyunda yenidən qələbəyə sevinib (2:0).

Növbəti qələbə üçün 3 həftə gözləyən “ağ-qaralar” bu müddətdə “Zirə” (0:2), “Qarabağ” (0:2), “Qəbələ”yə (1:4) uduzduqdan sonra XI turda “İnter”i xalsız qoyub (2:1).

Elxan Abdullayevin komandası “Qarabağ”la son heç-heçəyə qədər isə “Sumqayıt” (0:2), “Kəpəz” (0:2) və AZAL-ı (0:1) sevindirib.

Qeyd edək ki, 10 qol vurub qapısında isə 31 qol görən “neftçilər” 10 xalla turnir cədvəlinin 7-ci pilləsində qərarlaşıb.

• Mourinyo Çempionlar Liqasında tarixə düşdü
• Bruno Kerrikin taktikasını tənqid etdi, Karragerdən sərt cavab gəldi: “Biabırçılıqdır!”
• TFF Sergen Yalçının köməkçisinə veto qoydu – SƏBƏB
• Skaloni Argentina millisi ilə bağlı qərarını verdi – 2030-cu ilə qədər
• Batrakov İkardi və Jardelin rekordunu təkrarladı