2018-ci il dünya çempionatının seçmə mərhələsinin Azərbaycan – Çexiya oyununu idarə edəcək fransalı hakim Benua Millot komandalarımız üçün tanış referidi. Apasport.az saytının məlumatına görə, oktyabrın 5-də keçiriləcək görüşün baş hakimi əvvəllər də təmsilçimizin qarşılaşmasını idarə edib.

35 yaşlı fransalı bizim üçün düşərli hakim sayılmalıdı. Çünki 2014-cü ildən FİFA statusu daşıyan Millotun komandalarımızın oyununa təyinat aldığı yeganə matç azarkeşlərimizə sevinc bəxş edib.

Bu hadisə 2014-cü il iyulun 24-də baş verib. O, Avropa Liqasının II təsnifat mərhələsinin “Neftçi” ilə “Koper” arasındakı cavab oyununda fit çalıb.

Bakıda 1:2 hesabı ilə uduzan “ağ-qaralar” Sloveniyada 2:0 hesablı qələbəyə sevinib. Mirhüseyn Seyidov və Karlos Kardosonun fərqləndiyi görüşün hakimi meydan sahiblərinə qırmızı vərəqə də göstərib.

Jaka Stromayerin 51-ci dəqiqədə aldığı qırmızı vərəqə matçın taleyinə az təsir etməyib. Çünki həmin vaxta qədər 1:0 hesabı ilə öndə olan “Neftçi” say üstünlüyü qazanandan sonra fərqi artırıb. Hakim bakılıların iki oyunçusu – Kardoso və Erik Ramosa sarı vərəqə göstərib.

Qeyd edək ki, Azərbaycan – Çexiya matçı Bakı Olimpiya Stadionunda keçiriləcək.

• Yoxlama matçı: "Qalatasaray" 0:3-dən geri döndü
• İngiltərə Futbol Assosiasiyasından “Mançester Siti” açıqlaması: “Lazım gələrsə, tədbir görəcəyik”
• “Qalatasaray”da Lemina sevinci – Komanda ilə məşqlərə başladı
• Vitinya: “Jorje Jezuşun işi artıq nəticə verir”
• Leao Ronaldonun “7” nömrəsindən danışdı: “O, uşaqlıq kumirimdir”