“Neftçi”nin Topaz Premyer Liqasındakı məğlubiyyət seriyası 3-ə çatıb. Apasport.az saytının məlumatına görə, “Xəzər Lənkəran” üzərində 1:0 hesablı qələbədən sonra çempionatda keçirdiyi hər 3 oyunda uduzan “ağ-qaralar” Azərbaycan çempionatlarındakı antirekordunu təkrarlayıb.

XXII turda “Qarabağ”a 0:2, ardınca “Zirə”yə 0:3 hesabı ilə yenilən bakılılar bu dəfə də “Qəbələ”dən xal ala bilməyib – 1:2. Baş məşqçi Əsgər Abdullayevin istefası ilə nəticələnən 3 oyunluq məğlubiyyət seriyası 1992-ci ildən sonrakı dövrdə “Neftçi”nin üzləşdiyi 4-cü uğursuz dövrdü. Cari mövsümün VII-IX turlarında da ardıcıl 3 oyun yenilən bakılılar “Zirə” (0:2), “Qəbələ” (0:1) və AZAL-dan (1:2) xal ala bilməmişdilər.

“Neftçi”nin ilk belə uğursuzluğu 2009/10 mövsümünün ilk yarısına təsadüf edib. Həmin vaxt paytaxt klubu “Simurq”, “Qarabağ” və “Qəbələ”nin hər üçünə eyni – 0:1 hesabı ilə yenilmişdi. 2011/12 mövsümünün sonunda “Bakı”dan 2, “Qəbələ”dən 1 cavabsız qol buraxan “Neftçi” məğlubiyyət seriyasını 2012/13 mövsümünün startında “Qarabağ”a 0:1 hesabı ilə uduzmaqla davam etdirib. 4 məğlubiyyət seriyası zamanı qeydə alınan top fərqlərinə nəzər salsaq, ən uğursuz zolaq indiyə təsadüf edib.

2009-cu ildə ardıcıl 3 məğlubiyyət ümumi 0:3, 2012-ci ildə 0:4, 2015-ci ildə 1:5 hesablı olmuşdusa, bu dəfə komanda uduzduğu 3 görüşdə 1 qol vurub, 7-ni buraxıb.

Mənbə: pfl.az

• "Son rəqs" üçün Argentinaya gəldi – Messi milliyə vida edir
• Ronaldonun millidəki taleyinə aydınlıq gəldi: “Məşqçi istədiyi müddətdə...”
• “Üzümə bir söz deyə bilmirlər” – Hacıosmanoğlu susqunluğunu pozdu
• Serdal Adalı yenidən “Beşiktaş” prezidenti seçilib
• Bu günün futbol matçları – Hansı oyun hansı kanalda?