Ağdamın “Qarabağ” klubunun evdə qələbəsiz oyunlar seriyası 5-ə çatıb. Apasport.az saytının məlumatına görə, Çempionlar Liqasının II təsnifat mərhələsində Monteneqronun “Rudar” klubunu məğlub edə bilməyən (0:0) Qurban Qurbanovun yetirmələri öz meydanında qələbəyə həsrətdi.

Ağdamlılar Bakıda sonuncu dəfə 2014-cü il iyulun 30-da Çempionlar Liqasının III təsnifat mərhələsində qələbə qazanıb. 349 gün əvvəl “Qarabağ” Avstriya təmsilçisi “Zalsburq”dan üstün olub – 2:1.

Həmin oyundan sonra Ağdam təmsilçisi doğma azarkeşləri önündə qalib gələ bilmir. Bu müddətdə keçirilən 5 görüşdən 4-də qol vurulmayıb.  “Qarabağ” Hollandiya “Tvente”si, Fransa “Sent-Etyenn”i, İtaliya “İnter”i və Monteneqro “Rudar”ı ilə qolsuz heç-heçə edib, Ukrayna “Dnepr”i qarşısında isə aciz qalıb – 1:2.

Qeyd edək ki, “Qarabağ”ın avrokuboklardakı ev oyunlarında antirekordu 7 qələbəsiz matçdan ibarətdi.

• Mourinyo Çempionlar Liqasında tarixə düşdü
• Bruno Kerrikin taktikasını tənqid etdi, Karragerdən sərt cavab gəldi: “Biabırçılıqdır!”
• TFF Sergen Yalçının köməkçisinə veto qoydu – SƏBƏB
• Skaloni Argentina millisi ilə bağlı qərarını verdi – 2030-cu ilə qədər
• Batrakov İkardi və Jardelin rekordunu təkrarladı