Çempionlar Liqasının II təsnifat mərhələsinin “Düdelanj”la Lüksemburqdakı oyunu “Qarabağ”ın qitənin ən nüfuzlu klub turnirində 10-cu matç olacaq. Apasport.az saytının məlumatına görə, indiyədək bu turnirdə 9 qarşılaşmaya çıxan Qurban Qurbanovun yetirmələri 5 qələbə qazanıb, 2 heç-heçə edib və 2 dəfə meydandan məğlub ayrılıb.

“Qarabağ” Çempionlar Liqasında 10 qol vurub, 4-nü buraxıb. Əyalət klubu bu yarışda cəmi 2 il əvvəl debüt edib. 2014/15 mövsümündə Malta “Valletta”sını (1:0, 4:0), ötən mövsüm Monteneqro “Rudar”ını (0:0, 1:0) mübarizədən kənarlaşdıran ağdamlılar II təsnifat mərhələsinin “Düdelanj”la görüşünü (2:0) də nəzərə alsaq, bu raundda qol buraxmayıb.

Ötən iki mövsümün hər ikisində “Qarabağ” III təsnifat mərhələsində dayanıb. Əvvəl Avstriya “Zalsburq”u (2:1, 0:2), ardınca Şotlandiya “Seltik”i (0:1, 0:0) keçilməz olub.

Qeyd edək ki, Çempionlar Liqasında ən çox oyun keçirən Azərbaycan klubu “Neftçi”di. Bakılıların hesabında 18 matç var. “Şəmkir”, “İnter” və “Bakı”  hərəyə 6, “Kəpəz” 4, “Xəzər Lənkəran” 2 oyun keçirib.

• “Barselona”da “Qalatasaray”la oyun öncəsi ciddi itkilər – 4 futbolçu heyətdən kənarda
• “Feyenoord”un sabiq futbolçusu vəfat edib
• Haaland PSJ-nin iki futbolçusunu fərqləndirdi – “Onları izləmək heyranedicidir”
• Ronaldodan Mbappeyə məsləhət: “Madriddə olsaydım, ona öyrədərdim”
• Günün oyunları bu kanallarda - TV AFİŞA