Topaz Premyer Liqasının XIV turunun “Qarabağ”la “İnter” arasında oyununu idarə edəcək Fariz Yusifov mövsümdə 7-ci çempionat matçında fit çalacaq. Apasport.az saytının məlumatına görə, sabiq FİFA hakimi Premyer Liqanın arxada qalan 13 turunda 6 dəfə referilik edib.
Bu qarşılaşmalar meydan sahibliyinin üstünlüyü ilə keçib. 4 dəfə qalib gələn ev komandaları qonaqlara cəmi 2 xal verib. Hər tərəfi 14 sarı vərəqə və 1 penalti ilə cəzalandıran Yusifov “qırmızı”dan istifadə etməyib.
“Qarabağ”la yolları 1 dəfə kəsişən hakim XII turun “Kəpəz”lə ev matçında 6 vərəqə göstərib. Bunların 4-ü ağdamlılara, 2-si qonaqlara verilib. Meydan sahibləri həmin görüşdə 1:0 hesabı ilə qalib gəlib.
“İnter” isə 2 dəfə ev, 1 dəfə səfərdə Yusifovla qarşılaşıb. Hakimin qeydə aldığı hər iki heç-heçə də “bankilər”in hesabındadı. V turun “Neftçi” ilə qarşılaşmasında 2:1 hesabı ilə qalib gələn “göy-ağlar” VII turda “Zirə”ni (1:1) qəbul edib və IX turda “Kəpəz”in (0:0) qonağı olub. 10 dəfə “İnter”, 6 dəfə rəqiblərini xəbərdarlıqla cəzalandıran referi 1 penalti qərarı ilə də diqqət çəkib. Yusifov “Neftçi”nin lehinə penalti verib.
Qeyd edək ki, Yusifovun idarə etdiyi hər iki kubok matçında da meydan sahibləri qalib gəlib.
Oxşar xəbərlər
Ana səhifə
Bütün xəbərlər