“Qarabağ”ın Avropa Liqasının qrup mərhələsindəki rəqibi “Fiorentina”da baş məşqçi problemi yaşanıb. Apasport.az saytının yerli mətbuata istinadən məlumatına görə, Florensiya klubunun çalışdırıcısı Paulo Souza vəzifəsindən ayrılmaq qərarına gəlib.

Portuqaliyalı mütəxəssis buna səbəb kimi klub rəhbərliyinin transfer siyasətini göstərib. Belə ki, rəhbərlik yay transfer dönəmində 46 yaşlı çalışdırıcının yox, öz istəklərinə görə oyunçular alıb. Bundan narazı qalan Souza vəzifəsindən ayrılacağını rəhbərliyə bildirib. Ötən ildən “Fiorentina”nın “sükanı arxası”nda olan Souza karyerasını vətəni Portuqaliyada davam etdirəcəyini söyləyib.

Qeyd edək ki, "Fiorentina" Avropa Liqasının J qrupunda "Qarabağ", "Slovan" və PAOK-la mübarizə aparacaq.

• “Difai”də yeni təyinat - RƏSMİ
• “Barselona” və PSJ eyni futbolçunu hədəfləyir
• “Mançester Yunayted” Simeoneni transfer etmək istəyir
• "Samsunspor"da baş məşqçi dəyişikliyi – Xorvatiyalı mütəxəssis gəlir
• "Milan" serbiyalı müdafiəçi ilə müqaviləni yenilədi