Avropa Liqasının III təsnifat mərhələsinin “Qəbələ” ilə ilk oyunu Yunanıstanın “Panatinaikos” klubu üçün tarixi hadisə ilə əlamətdar olub. Apasport.az saytının məlumatına görə, afinalılar avrokuboklar tarixində 100-cü qələbəsini qazanıb.

1:0 hesabı ilə qalib gələn meydan sahibləri 7 oyunluq qələbə həsrətinə son qoyub və “99”u “100”ə çevirib.

“Panatinaikos” 100-cü qələbəni 286-cı matçda qazanıb. Yunanıstan klubunun hesabında 70 heç-heçə və 116 məğlubiyyət də var.

100 qələbədən 49-u Çempionlar Liqası, 41-i Avropa Liqası (əvvəlki UEFA kuboku), 9-u Kuboklar kuboku, 1-i isə sonradan UEFA kubokuna çevrilən Yarmarkalar kubokuna təsadüf edib.

Qeyd edək ki, Yunanıstan təmsilçiləri avrokuboklar tarixində ilk dəfə Azərbaycan klubuna qalib gəlib.

• TFF Montella ilə yollarını ayırır – Təzminat ödənilməyəcək
• Entoni Teylor hakimləri tanımadığını etiraf etdi – MHK üzvlərindən kömək istədi
• “Messi ilə şəkil də çəkdirə bilmədik” – Benin millisindən narazılıq
• “Liverpul” və “Roma”nın sabiq futbolçusu karyerasını başa vurdu
• Kofane “Bayer”lə danışıqları dayandırdı