[b]“Qəbələ” çempiona qarşı, “Neftçi”nin Gəncə sınağı[/b]

10.05.2016 - 10:26

Sabah Topaz Premyer Liqasında XXXIV turun oyunları keçiriləcək. Apasport.az saytının məlumatına görə, turun bütün matçları eyni gündə keçiriləcək.

Günə AZAL və “Zirə” arasında paytaxt derbisi ilə başlayacaq. Premyer Liqanın debütantı bu turda gümüş medalı təmin etmək üçün qələbə qazanmalıdı. Son 3 turda qələbəyə, iki oyundu xala həsrət qalan Adil Şükürovun yetirmələri uğursuz seriyaya həmşəhərliləri ilə matçda son qoymalıdı. Avrokuboklara vəsiqə uğrunda mübarizə aparan “təyyarəçilər” isə “Neftçi”yə məğlubiyyəti unutdurmağa çalışacaq.

Zirəlilər qalib gəlsə onların gümüş medalı təmin etməsi “Neftçi”dən asılı olacaq. 3 turdu uduzmayan bakılılar “Kəpəz”lə prinsipial dueldə də məğlub olmamalıdı. Ardıcıl 3 qələbə əldə edən gəncəlilər mükafat şanslarını çətinə salmamaq üçün qalib gəlməyə məcburdu.

Qərblilərin büdrəməsini gözləyənlərdən biri də “İnter”di. “Bankirlər” 22 oyundu qələbə qazanmayan “Xəzər Lənkəran”la ev matçına çıxacaq. Bürünc medallar uğrunda mübarizə aparan Zaur Svanadzenin yetirmələri autsayderə xal verməməlidi. Ardıcıl 10 məğlubiyyət alan cənublular isə Premyer Liqada qalmaq uğrunda yarışda vacib olan xal ədlə etməlidi.

Çempionatın autsayderi “Rəvan” isə uzun fasilədən sonra axırıncı pilləni tərk edə bilər. Lənkəran klubunun Bakıdan məğlub dönəcəyi halda, Bəhmən Həsənovun yetirmələri 1 xalla cənubluları keçəcək. “Rəvan” turnir cədvəlində heç bir iddiası olmayan “Sumqayıt”la səfər matçında xal qazanması kifayət qədə inandırıcı görünür.

Tura mərkəzi oyunla yekun vurulacaq. Çempion titulunu təmin edən “Qarabağ” medallara iddia edən “Qəbələ”ni qəbul edəcək. Ağdam təmsilçisi “Əlincə Arena”da ilk çempionat matçına çıxacaq. Son 10 matçda qələbə qazanıb, klub tarixinin rekordunu müəyyənləşdirən Qurban Qurbanovun yetirmələri seriyasını davam etdirmək iddiasındadı. “Qəbələ” isə 6 turluq məğlubiyyətsizliyi qələbə ilə davam etdirməlidi. Roman Qriqorçukun yetirmələri bunu bacarmasa, medal şanslarını minimuma endirəcək.

Topaz Premyer Liqası

XXXIV tur

11 may (çərşənbə)

16:00. AZAL – “Zirə”
Mövsümün əvvəlki 3 oyunu: 0:1, 1:0, 2:4

AZAL Arena

16:00. “Kəpəz” – “Neftçi”
Mövsümün əvvəlki 3 oyunu: 0:0, 1:1, 3:2

Gəncə şəhər stadionu

17:00. “İnter” – “Xəzər Lənkəran”
Mövsümün əvvəlki 3 oyunu: 0:2, 2:0, 1:0

“İnter Arena”

18:00. “Sumqayıt” – “Rəvan”
Mövsümün əvvəlki 3 oyunu: 0:0, 3:3, 2:1

Mehdi Hüseynzadə adına Sumqayıt şəhər stadionu

19:00. “Qarabağ” – “Qəbələ”
Mövsümün əvvəlki 3 oyunu: 2:2, 1:1, 2:1

“Əlincə Arena”

1	Qarabağ	33	24	6	3	60-19	78
2	Zirə	33	17	9	7	39-27	60
3	Kəpəz	33	15	10	8	45-35	55
4	Qəbələ	33	14	11	8	41-26	53
5	İnter	33	14	11	8	34-23	53
6	AZAL	33	13	6	14	25-32	45
7	Neftçi	33	11	10	12	34-36	43
8	Sumqayıt	33	6	12	15	34-46	30
9	Xəzər Lənkəran	33	3	5	25	12-45	14
10	Rəvan	33	4	8	21	22-57	14